首页> 新闻中心> 媒体名家> 正文
 
[英联杯] 东方:修咸顿细守城池
2017年01月11日22:53 東方波經
 
 
利物浦唔齐脚哑火
今晚上演另一场英格兰联赛盃4强首回合,由「圣人」修咸顿主场硬撼上届亚军利物浦。红军有快翼沙迪奥文尼出战非国盃而暂时离队,菲腊比古天奴近日已复操,但就算上阵都未够弗,火力大减,撞正于联赛盃擅施「守」术嘅修咸顿,唔慌多波入喇,一于捧中位数2.5球嘅1.72倍入球细。
(周四凌晨3时45分开赛、马会网上文字直播)

古天奴复出未必够弗
利物浦今季表现突出,同前线「3叉戟」菲腊比古天奴、罗拔图法明奴及沙迪奥文尼火力全开不无关係,单计联赛红军已轰入48粒,喺英超冠绝群雄,3叉戟就包办当中20球,不过古天奴因伤缺阵咗成个月有多,主帅高普赛前话会畀佢今晚落场踢几分钟,为下仗联赛「双红会」作客曼联做热身,但相信出得都未必够弗。至于沙迪奥文尼依家要为塞内加尔出战非洲国家盃而暂时离队,另一箭头罗拔图法明奴近期亦表现下滑,红军火力大减。利物浦日前先喺足总盃主场对乙组仔普利茅夫,初头派大批新仔上阵,点知留力留出祸,攻极都唔入,其后换入罗拔图法明奴、史杜列治及拉尔拉拿等主力,但为时已晚最终打和0比0,搞到要择日重赛,睇得出红军攻力出咗问题。

圣人联赛盃3战不失
另一边厢,修咸顿续有箭头查理柯士甸因伤倦勤,今仗主场遇强必定先做好防守,「圣人」今届联赛盃非常守得,之前3仗赢晒兼保持冇失波,全部总入球都少过3球,包括8强作客赢另一劲旅阿仙奴2比0,证明防线顶得两嘴,近期演出略见「哑火」嘅利物浦,要攻破「圣人铁闸」绝非易事,就算赢都係小胜居多,不如改捧中位数2.5球嘅1.72倍入球细更划算。

>>请看足球比分直播
 
(杰杰)  
 
 
 
≡ 相关链接 ≡